Buah Dabai

Pemakai kitai bansa. Nyu diatu ke maioh ditanam, kelia tumbuh kediri di puak kampung. Nya meh penguntung kita bansa ti tesat di puak kampung enda mudah parai lepi ngapa laban maioh penemu pasal utai dempa ke bisi di kampung

Taja diatu ukai musim dabai , tang aku sigi rindu mantai ke gambar ia kena mantup ke penenguk ke buah dabai. Agi ga bisi "kundei" (kasam dabai - ambi aku isi aja) dalam peti ais din, ti bisi lauk ke ngam amat dipakai begulai engau ia baru aku mantai. Enda tau selalu dempa mesti ka dikelimat engai ke jampat ambis.

Diatu laban ke baru tembu ngetau sigi bisi makai asi baru akaidaiiiiiii enda ibuh belauk utai bukai buah dabai aja kenyang meh

Tu gamal isi ke dambi ari leka dabai ( kelia ga nadai maioh utai dipakai diau di rumah panjai berebut ke leka dabai laban ke makai isi ia tu - enda nyamai ko sida anak aku - nya aku madah tu meh utai dempa mami agi mit kelia utai maioh ruti baka kita)

Nya gamal leka dabai

Buah dabai bedau direndam engau ai angat - kaya ti bisi maioh pun dabai laban ke berega amat. Maia tu aku meli RM24 sekilo. Manah ti kena ke nyamai. Engi aku tu tau ga dikenyadi semadi ke nadai

Umai

Umai Stail Ini Andan

Tu gamal ikan entebuloh ke dikena aku

Diambi aku isi ia lalu dahnya disirap/ditetak nipis nitih ke cara ka deka diri empu

Isi ikan ka disirap mit tadi direndam engau ai limau/cuka kena ngemansau ke isi ikan. Udahnya tadi baru aku ngulai engau bawang (merah + putih), cabi engau belacan ke udah ditutuk. Ngambi manah agi dipeda sirap/hiris bawang merah, lia, cabi

Tadaaaaaaaaaaaaaaaaaaaaaaaaaaaaaaaaaa

Nya gamal umai stail ini andan

Umai tu maioh jalai ngaga. Nitih ke penaka tauka cara diri empu laban nyawa ke enda sebaka.

Pia mega maioh macam ikan tau dikena ngaga umai - tang ia nyamai endar sepi aku ikan belida.

Ditu aku ngena ikan entebuloh- species ensulai nya tadi tang ia mipis/mipau agi dibanding engau enseluai.

Kala Bisi Peluang

Sebedau pulai ke menua sempat tudah diri engau belajar ngias cupcake. Nasit ga bisi bala ngibun bala anak ke dtinggal ke. Enti enda pia nadai peluang ka engau urang belajar. Pama meh engau urang belajar sekejap (setengah ari).